Шырық бұзу

Шырық бұзу (орыс. Дезорганизация; des — бұзылу, кері, кету, тәртібі жойылу) — қарсыластың бөлімдері мен бөлімшелерінін ұрысқа әзірлігі мен қабілеттілігін төмендетуге, жауынгерлік тапсырманың орындалуын қиындатып, тоқтатылуына әкеліп соқтыратын қарсылас тылының калыпты жұмысы мен әскерінің ұйымдасқан іс-әрекетінің бұзылуы. Шетел мамандарының кезқарасы бойынша, әскери (ұрыс) іс-әрекеттің дайындығын бұзу үшін мынадай шаралар жүргізіледі: дұшпандык насихат, жалған хабарлар тарату, диверсия дайындау және жүргізу т.б. Соғыс барысында диверсия мақсатымен тыл объектілеріне, байланыс тораптарына, басқару пункттеріне авиациялық және ракеталық әскермен соққы беріледі, әye және теңіз десанттары түсіріледі; қарсыластың тылына арнаулы топтар мен жасақтар жіберіледі; радиоэлектрондық күрес құралдары кеңінен колданылады. Ұрыс қимылдарын дайындауда, әдетте, қарсылас әскерінің басқарылуын берекесіздендіру, бөлім мен бөлімшелердің ұрыс қабілетін төмендету және тыл қамтамасыздығын қиындату шаралары ұйғарылады. Қарсыластың әскер басқармасы мен тылында іскерлікпен өткізілген берекесіздендіру табысқа жетуге жағдай жасайды.