Ыбрайым Есенқұлұлы Маманов

Ыбрайым Есенқұлұлы Маманов (10. 5. 1907 жылы туған, Талдықорған облысы, Ақсу ауданы) — тіл білімі маманы, филология ғылыми кандидаты (1947), доцент (1948). Алматы қаласындағы оқу-ағарту институтын бітірген (1927). 1927-1928 жылдары Талдықорған облысы, Сарқанд ауданы Коммуна мектебінің директоры. 1929-1932 жылдары Орал қаласында орта мектеп мұғалімі. 1932-1938 жылдары Көкшетау облысы, Еңбекшілдер ауданы орта мектебінде мұғалім. 1938-1940 жылдары Алматы педагогика училищесінің оқытушысы. 1940—1991 жылдары Әл- Фараби атындағы Қазақ мемлекеттік университеті филология факультетінің оқытушысы, доцент, факультет деканы. "Қазақ тіліндегі көмекші етістіктер" деген тақырыпта кандидаттық диссертация қорғады. Қазақ тілінің морфологиясын зерттеумен айналысқан. 20-дан аса ғылыми мақала авторы.