Ыбырай Әшімханұлы Тілеуғалиев

Ыбырай Әшімханұлы Тілеуғалиев 1965 жылы 11 наурызда РКФСР Курганск облысы Кетов ауданының Каширин қонысында туылған. Р.А. Руденко атындағы Свердлов заң институтын бітірген (1990). 1982 жылдан - Курганск облысы Кетов ауданының «Лесной» кеңшарының жұмысшысы. 1983-1985 жылдары - Кеңес Әскерінің қатарында қызметте. 1990 жылдан - Курган қаласы Первомай ауданы прокуратурасының тәжірибешісі, тергеушісі, Курган қаласы прокуратурасының аға тергеушісі. 1992 жылдан - Қостанай қаласы прокуратурасының аға тергеушісі, аға көмекшісі. 1995 жылдан - Қостанай қаласы прокурорының орынбасары, 1997 жылдан - прокуроры. 2001-2006 жылдары - Қостанай және Ақмола облыстары прокурорының орынбасары. 2007 жылдан - Заң күшіне енген сот қаулыларының заңдылығын бақылау басқармасының бастығы, Қылмыстық істерді соттарда қарау заңдылығын бақылау департаментінің бастығы; 2009 жылдан - Сот актілерінің және мемлекет мүдделерінің соттағы өкілдігі заңдылығын бақылау департаменті бастығының орынбасары; 2010 жылдың маусымынан - ҚР Бас прокуратурасы Арнаулы прокурорлар департаментінің бастығы. 2010 жылдың желтоқсанынан бері - ҚР Бас көлік прокуроры. Аға әділет кеңесшісі. «Құрмет» орденімен марапатталған (2010). Үйленген. Ұлы және 3 қызы бар.