Электрлі қоңырау
Қоңырау, электірлі қоңырау - ішке дыбыс беру үшін пәтердің кіре берісіне орнатылатын тетік.
Қоңырау көбінесе электр магнитті болады. Ол электр магниттен, балғашалы зәкірден, металл табақшадан (немесе тілікшеден, не қоңыраудан) тұрады. Қоңыраудың батырмасын басқан кезде электр тогы электр магнитінің орамдарынан өтіп, балғашалы зәкір арқылы қоңыраудың металл тілшесіне соғылады. Қоңырау кернеуі 127 және 220 В болатын айнымалы ток арқылы жұмыс істейді. Пайдалану кезінде қауіпсіз болуы үшін әдетте қоңыраудың өзіне электр қуатының күшін бәсеңдеткіш трансформатор қойылады. өнеркәсіп кәсіпорындарынан шығарылатын қоңыраулар негізінен дыбысы мен сыртқы бітіміне қарап ажыратылады. Кейде қоңырауға жарығы әлсіз шырағдан бірге құрастырылады.[1]
Тұрақты және айнымалы токпен жұмыс істейтін электр магнитті қоңыраулармен қатар құлаққа жағымды әуенді дыбыс шығаратын (оның ішінде құс үніне ұқсас) электронды қоңыраулар да бар. Электронды қоңыраулардың үнін дыбыс реттегіші арқылы қалауынша өзгертуге болады.[2]
Дереккөздер[өңдеу | қайнарын өңдеу]
- ↑ Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9
- ↑ Қазақ тілі терминдер сөздігі I том
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|