Электромеханикалық адымды іздегіш

Электромеханикалық адымды іздегіш. Электромеханикалық адымды іздегіш статордан (өріс), ротордан (қозғалмалы бөлім) және жылжымалы механизмнен, ал статор шығыс іздегіштерін құрайтын түйіспелер жиынтығынан (мамельдер) тұрады. Роторға кіріске жалғанған көпсымды щеткалар бекітіледі, ал жылжымалы механизм ротордың щеткаларын бір мамельден екінші мамельге жылжытып отыруға арналған. Оларды "адымды іздегіштер" деп атайды.

• Координаталы АТС-де коммутаңиялық өрісті құру үшін көпретті координаталық қосқыш (МКС) деп аталатын жалғаушы құрал қолданылады. Көпретті координаталық қосқыш (МКС) әрбір кіріске қол жеткізе алатын кірістер n саны мен шығыстар т саны арқылы сипатталады;
• квазиэлектронды АТС-дің коммутациялық өрісі буынды қағида бойынша матрицалы ферридті, герконды немесе гезаконды жалғаушылар (қосқыштар) негізінде құрылған. Бұндай жалғағыштардың кіріс және шығыс сандары екі еселенеді, мысалы, 4x4; 8x8; 16x8 және т.б. Квазиэлектронды АТС-тің коммутациялық өрісі үлкен сыйымдылық кезінде екі блок негізінде құрылады: концентациялық және аралас;
• электронды АТС-дің коммутациялық өрісі кеңістіктік коммутациялық арналармен де, сондай-ақ уақыттық коммутациялық арналармен де құрастырылуы мүмкін.