Эмболотерий

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Эмболотерий (Embolotherіum) – (Embolotherіum) – бронтотерий тұқымдасына жататын сүтқоректі. Эмболотерий эоценнің соңы – олигоценнің басында бұдан шамамен 30 – 35 млн. жыл бұрын тіршілік еткен. Ірі жануар, денесінің ұзындығы 4 м-дей, биікті. 2 м-дей болған. Бір ерекшелігі – жалпақ тұмсық сүйегі мүйізге ұқсап, жоғары сорайып шығып тұрған. Мүйіздері болмаған немесе өте кішкентай, көз шарасының жоғ. жағында орналасқан. Тұмсығының жоғары қарай созылуы, олардың көбінесе суда тіршілік ететіндігін көрсетеді. Эмболотерий лер су өсімдіктерімен қоректену үшін басын суға батырғанда, су бетіне шығып тұрған ұзын тұмсығының ұшында орналасқан танау тесіктері арқылы дем алған. Олардың денелеріне сай сүйектері де жуан әрі қысқа болған (әсіресе аяқ сүйектері). Денесінің ірі болуына байланысты баяу қозғалып, батпақты, көлді жерлерде тіршілік еткен. Соңғы жылдары америка палеонтологтарымен бірге жүргізген қазба жұмыстарының нәтижесінде Алматыдан 200 км солт.-шығысқа қарай орналасқан Ақтау палеонтологиялық қазба орнынан Эмболотерий туыс тармағына жататын жаңа бір түр табылып, зерттелді. Оған Aktautіtan hіppopotamopus деген ат беріліп, 2004 ж. “Amerіcan Museum Novіtates” журналында жарық көрді. Бұл жануардың үш бас сүйегі мен қаңқа сүйектері және тасқа түскен іздері табылды. Олар Алматыдағы Зоология ғыл.-зерт. ин-тында сақтаулы тұр. Б. Байшашов [1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том