Эмиль Владиславович Чарномский

Эмиль Владиславович Чарномский (1908-68) - суретші. Театр сахнасын көркемдеу саласында жұмыс істеді. Қазақ ССР-інің еңбек сіңген әртісі.

• 1925 - 1928 жылдары Санкт-Петербург қаласындағы Көркемсурет академиясында оқыды.
• 1937 -1948 және 1959 -1964 жылдары Алматыда тұрып, қызмет етті. Осы жылдары Қазақ академиялық драма театрының бас суретшісі болумен бірге аталмыш театрдың бірқатар спектакльдерін безендіріп жасаулады.

М.Әуезовтің "Алма бағында" (1937), "Шекарада" (1938), "Ақ қайың" (1939), "Сын сағатта" (1941), "Еңлік - Кебек", "Қарақыпшақ Қобыланды" (1946) жөне "Қарагөз" (1963), Әуезов пен Әбішевтің "Намыс гвар-диясы" (1942), С.Мұқановтың "Күрес күндерінде" (1939), Ғ.Мүсіреповтің "Ақан сері - Ақтоқтысы" мен "Қозы Көрпеш - Баян сұлу" (1942 - 43), Ә.Тәжібаевтьщ "Жомартгың кілемі" (1945) мен "Той боларда" (1963), Т.Ахтановтың "Сөуле" (1961), К.А. Треневтің "Любовь Яровая" (1937), Погодиннің "Мылтықгы адам" (1940, 1947), Б.Ф. Чирсковтың "Жеңімпаздар" (1947), К.М. Симоновтың "Келер кезек" (1962), Н.В. Гогольдің "Ревизор" және "Үйлену" (1940, 1961), Ф.Вольфтің "Профессор Мамлок" (1941), У.Шекспирдің "Асауға тұсауы" мен "Отелло" (1943, 1964) секілді спектакльдері бар. "Құрмет белгісі" орденімен марапатталған.
Қазақ драма театрында М. Әуезов пен Л. С. Соболевтің пьесасы бойынша қойылған спектакльдің декорациясы үлгілерін жасап, суретші-қоюшысы болды (1940, қағаз, акварель, тушь, Қазақстан Республикасының мемлекеттік орталық музейі мен Абайдың мемлекеттік қорық-музейі қорында). Қазақтың опера және балет театры үшін А. Жұбанов пен Л. Хамидидің «Абай» операсы декорациясының үлгісін жасады (1944, қағаз, гуашь, Опера және балет театрының музейі қоры). Қазақ өнері мен әдебиетінің Москвада өткен онкүндігіне байланысты «Абай» операсына жарнама шығарды (1958, көп данамен, түпнұсқа, қағаз, гуашь, Қазақстан Республикасының мемл. орт. музейі қоры).