Эпиорнис

Эпиорнис (эпи… және грек. ornіs – құс, Aepyornіtes) – қазбадан табылған құстардың бір отряды. 2 тұқымдасқа жататын бірнеше түрі анықталған. Негізінен Мадагаскар аралында жоғ. плейстоцен дәуірінде тіршілік етіп, 18 ғ-дың аяғы – 19 ғ-дың басында, оларды адамдардың жаппай аулағанынан және тропиктік ормандардың күрт азаюынан жойылып кеткен. Пішіні түйеқұсқа ұқсас, денесінің биікт. 3 м-дей, салм. 450 кг. Жұмыртқасының көл. 9 л-дей болған. Қанаты жойылып кеткен, тек тоқпақ жілігінің кішкене қалдығы ғана сақталған. Аяқтары мықты, үш саусақты, сирағы жалпақтау келген, бұл құстар ұша алмаған. Б. Байшашов^[1]