ҚазМұнайГаз
| АҚ «ҚазМұнайГаз ҰК» | |
 |
|
| Түрі |
Ұлттық компания |
|---|---|
| Құрылған жылы |
2002 |
| Орналасқан жері | |
| Басты адамдары |
Ләззат Қиынов (басқарма төрағасы) |
| Саласы |
Мұнай мен газды шығару, өңдеу және тасымалдау |
| Айналым |
|
| Операциялық кірісі |
|
| Қызметкерлер саны |
64 мың адамнан аса |
| Сайты |
www.kmg.kz (қаз.) (орыс.) |
«ҚазМұнайГаз» ҰК АҚ — ұлттық мұнай-газ саласында қазақ мүддесін қорғаушы, Қазақстан ірі мұнай-газ компаниясы. «Қазмұнайгаз» ұлттық компаниясы – Қазақстанның аса ірі мұнай-газ кәсіпорны. “ҚазақОйл” ұлттық мұнай-газ компаниясы мен “Мұнай және газ көлігі” ұлттық компаниясын біріктіру арқылы 2002 жылы 20 ақпанда құрылған. Негізінен мұнай-газ саласында бірыңғай мемлекеттік саясатты іске асыру, республиканың мұнай-газ қорының тиімді де ұтымды игерілуін қамтамасыз ету, мұнай мен газ қорын пайдалану, ұдайы өндіру және одан әрі ұлғайту стратегиясын әзірлеу, ҚР аумағында мұнай-газ операцияларына байқаулар ұйымдастыру, көмірсутектерін барлау, өндіру, өңдеу, өткізу, тасымалдау, мұнай-газ құбырларын, мұнай-газ кәсіпшілігі инфрақұрылымдарын жобалау, салу, пайдалануға беру мәселелері бойынша корпоративтік басқару және мониторинг, ҚР-ның мұнай-газ операцияларын жүзеге асыру жөніндегі ішкі және халықар. жобаларға ат салысумен айналысады. Ұлттық компания біріккен “ҚазақОйл” және “ҚазТрансОйл” компанияларының толық мирасқоры болып табылады. Оның мұнай өндіруші еншілес кәсіпорындары: “ҚазақОйлЕмбі” және “Өзенмұнайгаз” ААҚ компаниялары. 2000 жылы бұл компанияларда 5,8 млн. т мұнай өндірілді, оның 3,57 млн. тоннасы экспортқа шығарылды. 89 жаңа оқпан іске қосылды. Ұлттық компания “Атырау мұнай айыру зауытының” акциялар пакетінің 86%-ын иеленеді. [1]
«ҚазМұнайГаз» ҰК АҚ президенті — Ұзақбай Қарабалин.
Компания мына үш бағытта жұмыс жүргізеді:
- экономикалық мүддені көздейді,
- стратегиялық мүддені қамтамасыз етеді
- және тиімділігі жоғары халықаралық сыныптағы мұнай-газ компаниясын құрады.
Экономикалық және стратегиялық мүддеге мына бағыттағы іс-әрекет арқылы қол жеткізуге болады:
- Ресурстық базаны дамыту
- Мұнай-газ саласының инфрақұрылымын дамыту
- Мұнай өңдеуді және мұнай химиясын дамыту
- Бизнес географиясын кеңейту
- Көмірсутекті тасымалдау бағытын диверсификациялау
- Көлемді жобалардағы қазақстандық үлесті көбейту.
ҚазМұнайГаздың еншілес компаниясы халықаралық қор нарығына шықты.
[өңдеу] Тағы қараңыз
[өңдеу] Дереккөздер
- ↑ К. Қажымұрат мақаласы
[өңдеу] Сыртқы сілтемелер
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
