Қазақтың құйрықты қойы

Қазақтың құйрықты қойы - қылшық жүнді жергілікті тұқым. Ет, май, жүн алу үшін өсіріледі. Қазақстанның табиғи жағдайына бейімделген, төзімді, жайылым отын жақсы пайдаланып, тез семіреді. Кезінде халықтың көшпелі тұрмысына байланысты қажетін өтеуге, нақтылы жердің табиғи ыңғайына карай сұрыптау нәтижесінде еліміздің әр түрлі өңіріңде қазақтың құйрықты қойының бірсыпыра түрлері қалыптасқан (қазақы, еділбай қойы). Бұлар бір-бірінен денесінің ірілі-уақтығына, салмағына және құйрық майының үлкен-кішілігіне қарай айрылады. Қазақтың құйрықты қойының қошқары - 80-90 кг, саулығы - 55-60 кг тартады, олардан тиісінше, 3-3,5 және 2-2,5 кг жүн қырқылады. Түсі әр түрлі - қара, қоңыр, қызыл болып келеді.