Қазақ ауыл шаруашылығы техникасын пайдалану және жөндеу технологиялық ғылыми-зерттеу институты
Қазақ ауыл шаруашылығы техникасын пайдалану және жөндеу технологиялық ғылыми-зерттеу институты, Қазақстан Республикасы Ауыл шаруашылығы министрлігінің қарамағында. 1962 ж. Бүкілодақтық машина-трактор паркін пайдалану және жөндеудің технологиялық ғылыми-зертеу институтының Тың бөлімшесі болып құрылған.
1992 ж. бұл бөлімше Қазақ ауыл шаруашылығы ғылымдары академиясы құрамына кіріп, 1992 ж. 7 сәуірдегі Қазақстан Республикасы Министрлер Кабинетінің №315 қаулысымен қазіргі атымен қайта құрылды. 2002 жылдан ҚР Үкіметінің қаулысымен ауыл шаруашылығын механикаландыру ғылыми-өндірістік орталығының құрамына бөлімше болып кірді. Институт Ақмола облысының Ақкөл қаласында орналасқан.
Институттың негізгі міндеті – ауыл шаруашылығының машина-техника қызмет ету саласын ғылыми-техника прогреспен қамтамасыз ету; өндіріске озық технология процестерді; машиналарды жөндеу және оларға қызмет көрсетуге арналған жаңа құралдар мен нормативтік-техника құжаттарды игеріп өндіріске енгізу. Институт құрамында 5 ғылыми-зертеу зертханалары, жобалау және өндірістік-тәжірибе бөлімдері бар (2008).
Негізгі зерттеу жұмыстары мынадай бағыттар бойынша жүргізіледі:
- ауыл шаруашылығында инжинер-техникасы қызмет жасау жүйелерінің жұмысын қамтамасыз ететін ұйымдастыру-техникасы шаралар кешенін жасау;
- тұрақты және жылжымалы өндірістік жағдайда машиналарға техника қызмет көрсету технологияларын игеру;
- агротехника қызмет көрсету кәсіпорындарында және шаруашылық шеберханаларында машина жөндеудің технологиясы мен құралдарын меңгеру;
- ескірген бөлшектерді қалпына келтірудің жаңа технологияларын игеру және оның материалдық-техникасы негізін жасау;
- машиналарға техника қызмет көрсетудің нормативтік-техника және технология құжаттарын жасау;
- машиналарды пайдалану кезінде жанар-жағармайларды тиімді жұмсауға бағытталған шараларды игеру.
Соңғы 10 жылда институтта ауыл шаруашылық технология жабдықтарын жөндеудің 70-тен астам тәжірибелік нұсқалары жасалып, оның 40 түрі сынақтан өтіп өндіріске ұсынылды. Институт қызметкерлерінің 25 өнертабыс ұсыныстары патенттерге ие болды.[1]
Дереккөздер[өңдеу | қайнарын өңдеу]
- ↑ Қазақстан Энциклопедиясы
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|