Қайта сақтандыру

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Қайта сақтандыруэкономикалық қатынастар жүйесі. Бұл қатынастарға орай сақтандырушы тәуекелді істі сақтандыруға қабылдап алады да, сақтандыру қорын жасау және сақтандыру операцияларының тұрақтылығын қамтамасыз ету үшін нақты сақтандыруға байланысты жауапкершіліктің бір бөлігін келісілген шарттармен басқа сақтандырушыға береді. Тікелей сақтандыру операцияларын жүргізбейтін, тек қайта сақтандырумен айналысатын және қайта сақтандырылған тәуекелдіктің бір бөлігін ретроцессияға бере алатын компания кәсіпқой қайта сақтандырушы деп аталады. Қайта сақтандырудың негізгі нысаны – облигаторлық қайта сақтандыру. Біріншіден, мұнда, белгілі бір елдің аумағында әрекет ететін барлық сақтандыру компаниялары қолданыстағы заңдарға сәйкес сақтандыруға қабылданатын тәуекелді істердің бәрін мемлекет не өзге қайта сақтандыру компанияларына табыстауға міндетті. Қайта сақтандырудың бұл түрі – валютаның қайта сақтандыру арналары бойынша шет елге ағылуының жолын кесу үшін елдің сақтандыру рыногінің сыйымдылығын барынша пайдалануды мақсат етеді. Екіншіден, облигаторлық қайта сақтандыру – қайта сақтандырудың шарты болып табылады. Бұл шартқа орай түпкілікті сақтандырушы (цедент) сақтандырудың осы түрі бойынша барлық тәуекелді істі қайта сақтандырушыға табыстауға, ал қайта сақтандырушы оларды қабылдауға тиіс.[1] [2]

Дереккөздер[өңдеу]

  1. О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова Аурудың алдын алу және сақтандыру бойынша орысша-қазақша терминологиялық сөздік. Шымкент. “Ғасыр-Ш”, 2005 жыл. ISBN 9965-752-06-0
  2. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2