Қайтпас-1

Қайтпас– Шымкент қалалық әкімдігіне қарасты ауыл, Бозарық ауылдық округі орталығы.

Шымкент қаласынан солтүстікке қарай 2 км жерде, ескі Сайрамсу өзенінің арнасында орналасқан. Тұрғыны 9,0 мың адам (2003). Ертеректе Шымыр ауылы, №10 ауылы деп аталды. 1927 ж. алғашқы артельдер құрылып «Жасасын» ұжымшарына бірікті. 1931 ж. «Қайтпас» ұжымшары болып ірілендіріліп, ауыл шаруашылық өнімдерінен мол өнім алды. Оның негізінде ӨК, шаруа қожалықтары құрылды. Ауылда Шымкент қаласының бірнеше кәсіпорындары жұмыс істейді. Орта, орталау мектеп, клуб, кітапхана, аурухана, фельдшерлік пункт, т.б. мекемелер бар.