Қайыра будандастыру

Қайыра будандастыру - буданды арнайы мақсатпен қайтадан аталық не аналық тұқымның өкілімен шағылыстыру. Әдетте, бұл келесі ұрпақта тұқымның ұнамды өнімді нәсілдік қасиеті басым болуы үшін жүргізіледі. Сонымен қатар, сапалық белгілер бойынша сұрыптау жүргізгенде құнды будандардың нақтылы бір белгі бойынша нәсілдік қасиеттерінің біртектілігін немесе әртектілігін анықтау үшін қолданылады. Бұл ретте будан ұрпақ тек басыңқы белгісі бар ата-ене тұқымының өкіліне шағыстырылады.