Қаламгерлер аллеясы
Навигацияға өту
Іздеуге өту
Астанадағы Қаламгерлер аллеясы Абай даңғылы мен Сембинов көшесінің қиылысында орналасқан.
Ол 2019 жылы өткен Азия елдері ақын-жазушыларының I форумы аясында ашылды. Оның аумағы 1,2 гектарды қамтиды. Онда жалпы есеппен 50 шырша егіліп, 428 жарықшам орнатылған. Аллеяға Абай Құнанбайұлының сөзі жазылған мәрмәрдан жасалған кітап мүсіні қойылған.[1]
Қалам ұстаған шығармашылық қауымына көрсетілетін құрметтің тағы бір парасы ретінде аллеяда екі мүсіндік композиция орнатылған. Оның біреуінде қазақ әдебиетінің алыптары Сәкен Сейфуллин, Ілияс Жансүгіров және Бейімбет Майлин бейнеленіп көрсетілсе,[2] екіншісі Алаш қозғалысының көшбасшылары Ахмет Байтұрсынұлы, Әлихан Бөкейханов пен Міржақып Дулатовқа арналып жасалған.[3]
Дереккөздер[өңдеу | қайнарын өңдеу]
- ↑ Елордада – қаламгерлер аллеясы — Астана ақшамы, 7.09.2019.
- ↑ Елордада Үш арысқа ескерткіш орнатылды — Егемен Қазақстан, 15.12.2019.
- ↑ Елордада Алаш арыстарына ескерткіш орнатылды — Егемен Қазақстан, 4.07.2021.
