Қалдық ток

Анықталатын зат тотықсыздана бастайтын потенциал кезінде ток шамалы, әрі потенциалдың өсуімен баяу әседі. Бүкіл электролиз уақыты ішінде байқалатын мұндай токты і₀ не I₀ қалдық ток деп атайды. Ол сыйымдылық (4) іс тогы мен Фарадейлік (і_F) токтың қосындысы: і₀ = і_с + і_ғ-

Сыйымдылық тогы ұяшыққа түсірілген кернеуді арттырғанда қос электр қабатындағы зарядтың артуы салдарынан туындайды. Бұл ток полярографиялық әдістің сезімталдылығын төмендетеді, яғни ол зиянды. Оның ықпалын азайту үшін және сол арқылы әдістің сезімталдылығын арттыру үшін, жалпы жуйедегі тізбекті күрделендіре түсетін, полярографияның жалпы принциптік схемасын күрделендірегін әр түрлі әдістер пайдаланылады. Қалдық токтың кұрамды бөлігі - фарадейлік ток. Ол ерітіндідегі болмашы қоспалардың электродтарда тотықсыздану процесінен пайда болып, өте аз мәнге ие болады. Мұндай токтың пайда болуы электродтағы тотығу не тотықсыздану құбылыстарымен байланысты, эсіресе оған ерітіндіде еріген оттегінің ықпалы баршылық. Демек, оны болдырмау үшін алдын ала тиісті шаралар қолдану қажет.

Әдетте, ток қалдығының шамасы 10⁻⁷ А. Төменгі концентрациядағы ерітінділерді (10⁻⁵ М) талдағанда ток қалдығы диффузиялық токпен шамалас келеді және ол полярографиялық талдау әдісінің шекті сезімталдылығын шектейді.