Қалпақты саңырауқұлақтар
Навигацияға өту
Іздеуге өту
Қалпақты саңырауқұлақтарға ақ саңырауқұлақ, көктерек саңырауқұлағы, сұр және қызыл шыбынжұт, түлкіжем, қозықұйрық, арышқұлақ, бүріскі, т.б. жатады
- Жемісті денесі қалпақтан және түбіртектен тұрады. Жемісті денесі топырақ арасында жіпшумақтан өсіп дамиды. Көптеген қалпақты саңырауқұлақтардың жемісті денесі жеуге жарамды. Түбіртегіндегі жіпшумағы біркелкі, ал қалпақшасындағы жіпшумағы екі қабат құрайды. Үстіңгі қабаты жылтыр, түрлі- түсті реңді болса, астыңғы қабаты түтікшелі немесе қатпарлы болып келеді. Осыған байланысты саңырауқұлақтар түтікшелі немесе қатпарлы(арышқұлақ, қозықұйрық, түлкіжем) болып бөлінеді.
- Спора, гамета арқылы және вегетативтік жолмен көбейеді.
Көбею сызбанұсқасы: Қалпақшалы саңырауқұлақтар белгілі ағаштың түрімен микориза түзеді. Кейбір түрлері ағаш діңдерін бұзады, сонымен қатар адам және жануарлардың қорегі ретінде пайдаланылады. Бұлардың арасында жеуге жарамдылары(ақ жерқұлақ, қозықұйрық, түлкіжем, бүріскі) және улылары бар(сұр және қызыл шыбынжұт, жалған түлкіжем, боз арамқұлақ).
Дереккөздер[өңдеу | қайнарын өңдеу]
1. биология: ҰБТ- ға дайындық оқулық-тесті. Алматы: ШЫҢ-КІТАП, 2010.