Қамыс айқабағы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Қамыс айқабағы
Acrocephalus scirpaceus Vlaskop cropped.jpg
Амандық күйі
Status iucn3.1 LC.svg
Least Concern (IUCN3.1) [1]
Ғылыми топтастыруы
Дүниесі: Жануарлар
Жамағаты: Хордалылар
Табы: Құстар
Сабы: Торғайтәрізділер
Ұлы тұқымдасы: Sylvioidea
Тұқымдасы: Acrocephalidae
Тегі: Acrocephalus
Түрі: A. scirpaceus
Екі-есімді атауы
Acrocephalus scirpaceus
(Hermann, 1804)
Acrocephalus arundinaceus

Қамыс айқабағы (лат. Acrocephalus scirpaceus) – торғайтәрізділер отряды, сандуғаш тұқымдасына жататын құс. Қазақстанның шөл және шөлейтті белдемдеріндегі қалың қамыс өскен қопаларда мекендейді. Дене тұрқы 10 – 25 см, салм. 10 – 15 г. Қамыс айқабағының денесінің түсі қоңырқай, бауыры ақ, құйрығының үстіңгі бөлігі – күрең түсті болады. Қабағы ай тәрізді ақ болғандықтан құстың аты – айқабақ атанған. Жапырақ, гүл шоғырларынан жасаған ұясын қамыс сабағының жуандау жеріне бекітеді. Ұяның ішкі жағын тегістеп, оның түбіне өсімдіктің үлпегін, жылқының қылын төсейді. Ұяға қоңырқай немесе сұрғылт дақтары бар жасылдау кейде ашық көкшіл түсті 3 – 6 жұмыртқа салып, мекиені 11 – 12 күн басады. Бір жазда екі рет балапандайды. Қамыс айқабағы – жыл құсы. Олар қысқа қарай Орталық Африкаға ұшып кетеді. Жылы жаққа ұшарда қамыс айқабағы денесіне май жинап, семіреді. Көбінесе қосқанатты жәндіктермен, сондай-ақ жүзіммен де қоректенеді.[2]

Дереккөздер[өңдеу]

  1. BirdLife International (2004). Acrocephalus scirpaceus. 2006. IUCN Red List of Threatened Species. IUCN 2006. www.iucnredlist.org. Retrieved on 12 May 2006. Database entry includes justification for why this species is of least concern
  2. Қазақстан Республикасының табиғаты 3 том, 2 бөлім