Қарауылдық қызмет
Қарауылдық қызмет - жауынгерлік тапсырмаға жататын және жеке құрамнан Гаризондық және қарауылдық қызметтер жарғысының барлық ережелерін дәл орындауды, мейлінше қырағылықты, батыл шешім мен бастама қабылдай білуді талап ететін әскери қызмет.
Қарауылды қызметтің талаптарын бұзуға кінәлі адамдар тәртіптік немесе қылмыстық жауапкершілікке тартылады. Қарауылдық қызметті атқару үшін қарауылдар тағайындалады.
Қарауыл бөлімшесі[өңдеу | қайнарын өңдеу]
Жауынгерлік туларды, әскери және мемлекеттік объектілерді күзету мен қорғау жөніндегі жауынгерлік қызметті орындау үшін, сондай ақ гауптвахтада және тәртіптік батальонда ұсталатын адамдарды күзету үшін тағайындалған, өаруланған бөлімше қарауыл деп аталады.
Қарауылдар:
- гарнизондық және
- ішкі немесе кемелік болып бөлінеді; олар:
- тұрақты және
- уақытша болуы мүмкін.
Гарнизондық қарауыл жлпы гарнизондық маңызы бар объектілерді, құрамалар объектілерін немесе бір біріне жақын орналасқан бірнеше әскери бөлімдердің объектілерін күзету үшін сондай ақ гарнизондық гауптвахтада ұсталып отырған адамдарды күзету үшін тағайындалады.
Ішкі қарауыл бір әскери бөлімнің немесе кеменің объектілерін күзету мен қорғау үшін тағайындалады. Әуедайдағы авиациялық бөлімнің ұшақтары немесе тікұшақтары мен басқа объектілерін авиациялық техникалық бөліммен тағайындалатын ішкі қарауыл күзеті қорғайды.
Қарауыл құрамына қарап:
- қарауыл басшысы,
- қарауыл бастығының көмекшісі
- техникалық күзет құралдары жөніндегі қарауыл басшылығының көмекшісі (олар оператор немесе операторлар аусымы болуы мүмікін)
- қарауыл иттерінің қызмет жөніндегі қарауыл басшылығының көмекшісі
- көлік құралдарының жүргізушісі[1]
Дереккөздер[өңдеу | қайнарын өңдеу]
- ↑ Алғашқы әскери дайындық, Алматы"Мектеп" баспасы, 2006