Қарағанды патриот әйелдері атындағы балалар үйі

Қарағанды патриот әйелдері атындағы балалар үйі, 1944 ж. Қазақстан К (б) П Қарағанды облыстық комитетінің әйелдер арасында жұмыс жүргізу бөлімінің бастамасы бойынша Чистяковода ашылды. Қараша айында облыстағы өнеркәсіп пен ауыл шаруашылық озат-әйелдері слетінде С. М. Киров атындағы шахтаның әйелдер кеңесі ұсынысымен Донецк облысы Чистяково қаласында балалар үйі құрылысына қаржы жинау туралы барлық облыс әйелдеріне үндеу қабылданды. 1,5 айда жеке қорлары есебінен 1307 мың сом ақша жиналды. Әйелдер алтын-күміс бұйымдарын, бағалы заттарын беріп, көмірді тиеу және түсіруде уақытынан 3-4 сш артық жұмыс істеді. Жиналған ақшаға 150 орынды балалар үйі салынды. Қарағанды әйелдері патриоттық әділ істері үшін Мемлекеттік Қорғаныс к-гі төрағасынан алғыс телеграмма алды. Алғашқыда балалар үйі «Общественница Қарағанды», кейін Қарағанды патриот әйелдері атындағы балалар үйі деп аталды. 1944 ж. қарашада Қарағанды облысының делегациясы балалар үйінін ашылуынақатысты. Құрамында Қазақстан К(б)П облыстық комитеті әйелдермен жұмыс жөніндегі бөлімінің меңгерушісі Ф.Қ. Дәненова; №45 шахта әйелдерінің төрағасы А. И. Спипина; К О. Горбачев атынд. шахта жұмысшысы П. 3. Позднякова; №1 шахта балабақшасының меңгерушісі П. К. Комарова; С. М. Киров атыңц. шахтаның кеншісі Қ. Құлжанова; Балқаш мыс қорыту з-тының жұмысшысы К. Г. Сажина болды. Делегация мүшелері балаларға сыйлықтар тапсырды. 1984 ж.тамыздаТорез қаласында еліміздің көптеген қалаларынан келген балалар үйінің бұрынғы 90 тәрбиеленушілері мен Қарағанды делегациясының кездесуі болды. Делегацияны Ф.К. Дәненова басқарды. Торез қаласындағы балалар үйі — соғыс жылдарыңдағы ескерткіш, Донбасс пен Қарағанды шахтерлерінің достығы мен бауырластығының белгісі. Қарағанды облыстық Мемлекеттік мұрағатында балалар үйіне арналған құжаттар қоры сақталған.