Қарағанды қаласының мектепке дейінгі оқу және тәрбие жұмысы

Мектепке дейінгі оқыту және тәрбие жұмысы.

Қарағанды қаласында 1927 жылы алғашқы балалар бақшасы ашылды, онда 49 бала болды. 1932 жылы 9 балалар бақшасы жұмыс істеді: қалада 6 балабақша, ауылды жерде 3 балабақша ашылды. 1940 жылы Қарағанды облысында 4,5 мың баланы қамтыған 56 балабақша және 58 бөбекжай жұмыс істеді. 1950 жылы 6,8 мың баланы қамтыған 88 және 77, 1960 жылы 24,3 мыңбаланы камтыған 201 және 164 бөбекжай мен балабақша жұмыс істеді. 1970 жылы 683, 1980 жылы 761 бөбекжай және балабақша жұмыс істеді. 1986 жылы халыққа білім беру министрлігінін 562, көмір өнеркәсібі мен қара металлургияның — 113, ауыр индустрия кәсіпорындары кұрылысының -53 және ауыл шаруашылығының мектепке дейінгі 127 мекемесі жұмыс істеді. 1990 жылы 90,4 мың бала катысқан 573 балабақша жұмыс істеді. Бұл кезеңде облыстағы балабақшаларда мектепке дейінгі тәрбиемен қамтылған балалардың саны 60%-ға жуық болды.

80-жылдардың ортасынан бастап Қарағанды облысында «Балабақша-мектеп» кешендері, ал 90-жылдардың басында мемлекеттік, мемлекеттік емес және қоғамдык ұйымдар мен жеке тұлғалардың бастамасымен мектепке дейінгі ұйымның балама үлгілері: мектепке дейінгі гимназия, мектепке дейінгі орталықтар, авторлық балабақшалар ашыла басталы.Балабақшалар оқыту мен тәрбиелеудің балама бағдарламалары бойынша жұмыс істеп, түрлі білім беру кызметін, оның ішінде, ақылы кызмет көрсетуді ұсынады (№18 «Звездочка», «Дворец детства», «Лесок» балабақша-мектеп кешені және т. б.).

1995 жылы Қарағанды облысында 451, ал 1998 жылы 150 мектепке дейінгі ұйым жұмыс істеді. 2000 жылы 126 мектепке дейінгі ұйым, оның ішінде, 5 мекеме мемлекеттік тілде балалардың мектепке дейінгі дайындығын жүзеге асырды, 2004 жылы олардың саны 133 болса, 2005 жылы 141-ге жетті.

1999 жылы «Білім туралы» Заңның күшіне енуіне байланысты жаңа мектепке дейінгі тәрбие институты Мектеп алды ұйымдастырылады. Мектеп алды даярлық мектепке дейінгі ұйымдардың ересек және дайындық топтары базасында, сонымен қатар 5-6 жастағы балаларға арналған бір жылдық мектеп алды сыныптарда жалпы білім беретін мектептің базасында жүзеге асады. 2000 жылы балалардың 22%-ы мектепке дейінгі ұйымдармен және мектеп алды сыныптармен қамтылды (№77 ЖБКМБ, №101 «Аян» нагы мектеп-лицейі, «Альтер» еркін даму мектебі т.б.).

Қарағанды облысы бойынша мектепке дейінгі ұйымдарда жоғары және орта арнаулы білімі бар педагогикалық кадрлардың сапалық кұрамының көрсеткіші: 1970 жылы 6,6%, 26,3%; 1997 жылы - 22,5 %, 73%; 1999 жылы - 49,8%, 61,2%; 2000 жылы - 32,6%, 66,6%; 2005 жылы - 25%, 65%. қоғамдағы инновациялық үдерістерге сәйкес мектепке дейінгі оқыту және тәрбиелеу жүйесі сапалы дамуын жалғас- тыруда.