Қатпарлы шұбаршөп
| Қатпарлы шұбаршөп | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| Ғылыми топтастыруы | ||||||||||||||||||||
| ||||||||||||||||||||
| Екі-есімді атауы | ||||||||||||||||||||
| Saussurea involucrata Matsum. & Koidz., 1910 |
Қатпарлы шұбаршөп , орамалы соссюрея (лат. Saussurea involucrata) – астралылар тұқымдасына жататын өте сирек кездесетін, үштік дәуір қалдығы. Жоңғар Алатауының орталық бөлігінде, Іле және Күнгей Алатауында, сонымен қатар Теріскей Алатауында кездеседі. Қазақстаннан тыс Қырғызстанда және Батыс Қытайда таралған. Бұрын бұл түрдің таралу аймағына Сібірдің оңтүстігі мен Монғолияны да кіргізген. Бірақ ол жерлерде екі жақын түрлері кездеседі - Дорогостайский шұбаршөбі, 1928 жылдан белгілі және оргаадай шұбаршөбі, белгілі Новосибирск флористері В. М. Ханминчун мен И. М. Красноборов сипаттап жазған. Біздің түріміз жартастарда, тасты беткейлерде және ежелгі тау жынысы қалдықтарында өседі. Өте ерекше және көп жағынан құпия көпжылдық өсімдік, көбіне альпинистерге таныс. Жуан қуыс сабағымен және шоғырланған оншақты себеттен тұратын күрделі гүл шоғырын көптеген ақсары-жасыл жалпақ жапырақтар орап тұрады. Осы кезде өсімдік керемет әдемі болып көрінеді. Барлық жерде саны төмен, жекелеп немесе шағын топ болып кездеседі. Тек гүл шоғырын жинаудан зардап шегеді. Мәдени түрде өсірілмеген. Алматы қорығы және Іле-Алатау ұлттық паркінде қорғалады.