Қатысушы:Nashko007/Қарлығаш Байдалина

Қарлығаш Жәнібекқызы Байдалина (Карлыгаш Байдалина) 1978 жылы 13 маусымда Қарсақпай кентінде дүниеге келді. Театрдағы еңбек жолын 1996 жылы бастады. Талантты актриса осы уақыт ішінде тамаша образдар галереясын жасады. Қ.Байдалина – шебер актриса болуымен қатар, талантты дәстүрлі әрі эстрада әншісі.

Жалпы мәлімметтер

Мәселен, Қарлығаш М.Әуезовтың «Қаракөз» спектаклінде Қаракөз образын ішкі дүниесі бай, қазақ қыздарына тән мінез кейіппен мәдениетті, инабатты етіп сомдай білді. Театр сахнасында жас актриса Қ.Тоқбаевтың «Үкіміндегі» - Айша, А.Боранбаевтың «Сотанайдың соңғы үйленуіндегі» - Әйкен, К.Ахметовтың «Құданың өзі, құдайдың көзі келгендесінде» - құдағи, С.Жүнісовтың «Қысылғаннан қыз болдымында» - Эльмира, Е.Домбаевтың «Ғашықтық туралы балладасындағы» - Қоңырша, Ә.Тәжібаевтің «Көтерілген күмбезінде» - Махаббат, Ә.Таразидің «Күнәсінда» - Шолпан, К.Жұмабековтың «Әйел махаббатында» - Зияш, Т.Ракишеваның «Өмір сүргім келедісінде» - Айна сияқты кейіпкерлерді өзіндік нақышымен өте сәтті шығарды. Актриса лирикалық, комедиялық, тіпті драмалық спектакльдерде де кейіпкерлерінің рухани әлемін терең ұғынып, жан тебіренісі мен көңіл толқынын шеберлікпен көрсете алады.Соңғы жылдары актриса А.Володинның «Қос жебе» тарихи драмасында қойылымның негізгі рольдерінің бірі – Тасбақа. Қарлығаш бұл образды жаны нәзік, жүрегі сезімтал жан етіп тұлғалады. Ол топас, дөреке жандардың арасындағы нәзік гүл іспетті... Актрисаның роль шығаруға өзіндік көзқараспен келіп, көркемдік шырай беруге талпынысы, әсем қозғалысы, арамдықтан ада пәк жүзі, жан-жағына шуақ сепкен нәзік дауысы оны басқалардан ерекшелендіріп тұрады. Тасбақа мінезінің, оның адал махаббатының қыр-сырын ашуда сөзбен қатар үнсіздікті, пластикалық қимылды ойната білген. В.Дельмардың «Өкінішті өмір» драмасында – Нелли, Г.Хугаевтың «Қара шекпен» әфсанасында – Қосүрей қоянның бейнелерін сәтті сомдады. Қ.Байдалина – шебер актриса болуымен қатар, талантты әнші. Дәстүрлі ән мектебін бітірген ерекше дауыс иесі.

Марапаттары

• 1994 жылы Шымкент қаласында өткен Әміре Қашаубаев атындағы республикалық конкуста «Көрермендер көзайымы» сыйлығының иегері
• 1994-98 жылы облыстық «Жас қанат» байқауының екі мәрте бас жүлдегері
• "Қайнар" жастар сыйлығының иегері атанды
• 2004 жылы репертуарындағы әндер облыстық «Мәдени мұра» Алтын қорына жазылды.
• 2020 жылы «Тұлға» сыйлығын алды.

Сыртқы сілтемелер

1. [1] Райхан Ибраева атындағы сыйлық» – Байдалина Қарлығаш Жәнібекқызы иеленді.
2. [2] Бірінші орынды жезқазғандық Қарлығаш Байдалина мен Жалын Көпбосынов еншіледі.
3. [3] Байдалина Қарлығаш Жәнібекқызы, С. Қожамқұлов атындағы қазақ - сазды драма театрының әртісі.