Қатысушы:Natomi Namikaze/зертхана
| Александр Кинцель | |
| Кинцель Александр Евгеньевич | |
| Туған күні |
13 желтоқсан 1967 (56 жас) |
|---|---|
| Туған жері |
Солтүстік Қазақстан облысы, Возвышенка ауданы, Жданов ауылы. |
| Азаматтығы |
Қазақстан Республикасының азаматы |
| Ұлты |
Неміс |
| Қызметі |
Педагог, кәсіби маман, Степногорск қаласы Абай Құнанбаев атындағы № 6 мектеп-гимназиясының жоғары санатты биология мұғалімі |
| Марапаттары мен сыйлықтары |
Мемлекеттік наградалары: 1. Қазақстан Республикасы Тәуелсіздігінің 10 жылдығына арналған Медаль, 2002 ж. 2. ҚР БҒМ құрмет грамотасы, 2005 ж. Халықаралық байқаулар: 1. Бүкілресейлік "Творческий урок креативного типа" конкурс – фестивалінің жеңімпазы (1 орын), Томск қ. 2. Бүкілресейлік "Школьный задачник" конкурсының жеңімпазы (1 орын), ТГПУ, Томск қ. 2013 ж. 1. Бүкілресейлік "Творческий урок" фестивалінде "Диалогические проблемные уроки" номинациясы бойынша 2 орын, ТГПУ, Томск қ. 2014 ж. 1. Бүкілресейлік кашықтықтағы "Школьный задачник" байқауындағы "Задания для практической работы на уроке. Традиционный задачник." номинациясы бойынша 2-ші орын, ТГПУ, Томск қ. 2015 ж. 1. "Атамұра" республикалық (халықаралық қатысумен) конкурсының үздік ғылыми басылым бойынша жеңімпазы, "Педагогика и образование" монографиясы номинациясы бойынша 2 орын. 2016ж. 1. Бүкілресейлік кәсіби педагогикалық "Школьный кроссворд" конкурсында 9-шы сыныпқа арналған тақырыптық кроссвордтар жинағын жариялаудан 2-ші орын, ТГПУ, Томск қ. |
Кинцель Александр Евгеньевич (13 желтоқсан 1967ж, Солтүстік Қазақстан облысы, Возвышенка ауданы, Жданов ауылы) - педагогика ғылымның магистрі, "Рефлексия в практике" тақырыбы бойынша мектеп тренері, биология мұғалімдерінің қалалық (Степногорск қаласы) әдістемелік бірлестігінің жетекшісі, Мәскеу қаласындағы "Эйдос" қашықтықтан білім беру орталығының жаратылыстану кафедрасының қызметкері.
Өмірбаяны[өңдеу | қайнарын өңдеу]
1967 жылы 13 желтоқсан күні Солтүстік Қазақстан облысы, Возвышенка ауданы, Жданов ауылында дүниеге келген. Жданов атты совхозда өткен Александр Кинцельдің балалық шағын жеңіл деп атауға болмайды. Ол қоныс аударушылардың көп балалы отбасында алтыншы бала болды. Александр 6 жасында әкесіз қалса да, анасы әрдайым оны қолдап, жоғары білім алуын армандаған. Дегенмен, Александар Кинцель институтты бітіріп, туған жеріне оралғанда, бір жарым айдан кейін анасынан да айырылды. Аудандық комсомол комитетінің жолдамасы бойынша 1985 жылы Александр Целиноград ауыл шаруашылығы институтына "ғалым-агроном" мамандығына оқуға барды. Ал бір жылдан кейін оны әскерге шақырды. Ол екі жыл қызмет етіп, оқуын жалғастыруды шешті. Факультетте тек Александр Лениндік стипендиатқа ие болды, оған қоса ғылыми және қоғамдық қызметпен айналысты. Институтты бітіргеннен кейін, қолында аспирантураға жолдама болсада, ол сонда да туған ауылына қайтып оралуды дұрыс көрді. Сол жерде бір жарым жыл агроном-бағбан болып жұмыс істеп, содан кейін ауылдастарының көмегімен халық депутаттары ауылдық кеңесінің төрағасы болып сайланды, кейін - ауыл әкімшілігінің басшысы, ал сонан соң - Золотонив ауылдық округінің әкімі болып тағайындалды. Осылайша, Александр мемлекетке 9 жыл адал қызмет етті. Александр Кинцель отбасы құрып, екі баланың әкесі атанды. Оның әйелі Степногорск қаласында туған және ата-аналары да сол қалада тұрады. Өкінішке орай, сол жердің мектебінде мұғалімдер аз болған, сондықтан әйелі екеуі балаларға жақсы білім қажет деп ойлап, ол өз мамандығын өзгертуді шешті. Осылайша Александр Степногорск қаласының Абай Құнанбаев атындағы №6 мектеп-гимназиясының биология және алғашқы әскери дайындық пәнінің мұғалімі атанды. Ал, әйелі болса сол мектепте ағылшын тілін оқытуда.
Александр Кинцель - ғылыми-теориялық дайындығы бар, инновациялық әдістемелер технологиясын меңгерген, жоғары әдістемелік деңгейде дәріс бере алатын педагог. Александр әрқашан педагогикалық ізденісте жүреді, ол балалармен қазіргі сабақ беру техологиясы бойынша дәріс жүргізеді. Ынтымақтастық технологиялар элементтерін, жеке тұлғаға бағдарланған оқыту, коммуникативті-ақпараттық технологияларды қолдана отырып, жақсы нәтижелерге қол жеткізіп келеді. Мәселен, оқушыларының оқу үлгерімі – 100% үлгерім, ал білім сапасы – 98 %. Жемісті педагогикалық жұмыстың нәтижесі деп олардың биология пәні бойынша халықаралық, республикалық, облыстық олимпиадаларға қатысып, әр түрлі жүлделі орындарға қол жеткізулерін айтуға болады. Александр Кинцель өсіп келе жатқан буынның азаматтық және патриоттық сезімдерін нығайтуға ат салысып келеді.
Білімі[өңдеу | қайнарын өңдеу]
- Целиноград ауыл шаруашылығы институты, Агрономия факультеті, ғалым-агроном, 1992 ж.
- Шоқан Уәлиханов атындағы Көкшетау мемлекеттік университеті, жаратылыстану факультеті, Биология бакалавры, 2006 ж.
- Абай Естайұлы Мырзахметов атындағы Көкшетау мемлекеттік университеті, 2014 ж. педагогика ғылымдарының магистрі.
Жетістіктері[өңдеу | қайнарын өңдеу]
- "Үздік педагог – 2017" республикалық конкурсының жеңімпазы.
- "Үздік авторлық бағдарлама" республикалық конкурсының жүлдегері, екінші орын, Алматы қаласы.
- Қазақстан Республикасы Білім және ғылым министрлігінің мұғалімдер Даңқы кітабына енгізілген.
- Биология мұғалімдерінің І-ші съезінің делегаты "Ұлттық тестілеу орталығының тапсырмаларын әзірлеуші, эксперті".
- Республикалық "Қазақстан Жыл мұғалімі-2005" конкурсының жүлдегері.
- Облыстық және І Республикалық Педагогикалық оқулардың жеңімпазы, Алматы қ., 2013 ж..
- Облыстық "Алғашқы әскери даярлықтың үздік оқытушы-ұйымдастырушысы" конкурсының жеңімпазы.
- Республикалық (халықаралық қатысумен) "Атамұра" "Педагогика және білім беру" монографиясы номинациясы бойынша үздік ғылыми басылымы конкурсының жеіңмпазы.
- Облыстық "Үздік авторлық бағдарлама" конкурсының жүлдегері.
- Мұғалімдерге арналған биология пәнінен республикалық олимпиадалардың (КИО, 2014-2017 жж.), жалпы қазақстандық "Демиург" педагогикалық олимпиадасының (2015, 2016,2017 жж.) жеңімпазы.
- "Мектеп есебі", "Сынып жетекшілігі және сабақтан тыс іс-әрекет", "Шығармашылық сабақ", "Пәндік кроссворд" және т. б. халықаралық педагогикалық кәсіби конкурстардың жыл сайынғы жеңімпазы.
- "Ең үздік авторлық әдістемелік әзірлемелер", "Жүйелі-әрекеттік тәсіл негізіндегі сабақтар циклы", "Ең үздік биология кабинеті" , "Ең тиімді биология мұғалімі" қалалық конкурстарының жеңімпазы.
- Биология, химия, география, физика, ОБЖ, қоршаған әлем бойынша алты әдістемелік құралдардың авторы.
- Нұрсұлтан Назарбаевтың ұсынысы бойынша жүзеге асқан "100 жаңа есім" жобасының жеңімпазы.
- Александр Кинцель өз өміріндегі ең үлкен жетістік деп оның түлектері Қазақстан, Ресей, Америка Құрама Штаттарының жоғары медициналық оқу орындарында табысты оқып, оларды бітіруін санайды.