Қақтау әдісі

Қақтау әдісі – қару-жарақты алтынмен және күміспен көркемдеу. Ертедегі қазақ шеберлерінің қару-жарақ дайындаудағы кең қолданылған әдістерінің бірі.

Ол үшін қақталатын темірдің бетін ең алдымен түрпі сияқтандырып асыл шапқымен шабады. Сым жасау үшін күмісті жіңішкертіп созатын сайманды пайдаланады, оны «сым» деп атайды. Сымға тартылған күмісті осы түрпінің үстіне өрнектей отырып, балғамен батырады. Бұл әдіспен көбінесе айбалта бастарының беттері, найза, сүңгілердің жебесі, болат қалқандардың беттері, дулыға, сауыт, жеңселердің беттері әшекейленген. Сонымен бірге қақтауда алтынның, күмістің жұқа қаңылтырынан тұтастай өрнектер қиып алып қақтау тәсілі де болды. Мысалы, ҚР ПМО қорындағы бір дулыға осындай тәсілмен әшекейленген.