Қорқыт ата атындағы Қызылорда гуманитарлық университетінің қазақ тілі кафедрасы

Қорқыт ата атындағы Қызылорда гуманитарлық университетінің қазақ тілі кафедрасы — 1937-1997 жылдары "Филология факультеті", 1980-1989 жылдары "Қазақ тілі мен әдебиеті" кафедрасы, 1990—1995 жылдары "Қазақ филологиясы" факультеті, 1996 жылдан "Филология" оқу-ғылыми кешені негізінде жеке кафедра болып құрылды. Құрамында 11 оқытушы ғалым қызмет істейді. Кафедра меңгерушісі - филология ғылымының докторы, профессор Сәдуақасұлы Жеңіс. Кафедрада тәжірбиелі ұстаздар филология ғылымының кандидаттары, профессор Ә. Байжолов, Ә. Жақыпов, Ш. Бекмағанбетов, оқытушылар Р. Ерназарова, Ә. Әбілев, Г. Әңкішева, К. Сарышева, т. б. ғалымдар еңбек етеді. Мұнда әр жылдары академик I. Кеңесбаев, филология ғылымының кандидаты, доцент Ә. Ермеков, филология ғылымының докторы, профессор Т. Сайранбаев, Ә. Әбілқасымовтар сабақ берді. Белгілі туркітанушы филология ғылымының докторы, профессор Ә. Қоңыратбаев осы кафедрада еңбек еткен. Қазақ тілі кафедрасы басқа ғылыми мекемелермен тығыз байланыс орнатқан. Академик Ә. Қайдар, ҚР ҰҒА корреспондент-мүшесі М. Серғалиев, профессор Ә. Құрышжанұлы кафедраның құрметті профессорлары ретінде дәріс оқып тұрады.