Құлын үйрету

Құлын үйрету - (обтяжка жеребенка) - құлынды ұстап, ноқталап жетелеуге, байлауға үйрету, адамнан қорқып, үркіп қашпайтындай бой үйрету. Құлын үйрету өсіріп отырған жылқы тұқымына, шаруашылық бағытына, ондағы жылқы санына байланысты құлынның әр түрлі жасында жүргізіледі. Салт мініс, жегіс бағытындағы жылқы өсіретін асыл тұқымды шаруашылықтарда құлын үйрету күзде, құлыңды енесінен айырған кезде жүргізіледі. Етті-сүтті бағыттағы жылқы өсіретін шаруашылықтарда құлын үйрету бие байлау кезінде жүргізіледі. Сауылмаған бие құлынын, әдетте, тайыңда бас білдіреді.