Құтқарушылардың кеудеше киімі

Құтқарушылардың кеудеше киімі су туризміне арналған жеке сақтандыру құралы; суға оқыс жағдайда құлаған адамды тік қалпында ұстап суға батудан сақтандыратын киім. Жеңсіз кеудеше киімінің кеуде және арқа тұсы көлемінде адамды суға батқызбайтын арнаулы камерасы болады. Құтқару кеудешесін көбінесе капронды маталардан жабық қалталы киім ретінде тігіп, оның астарлы жағына арнаулы резиналы жастықшалар немесе пенопластан жасалған кесектер салынып тігіледі. Топтың соңы, адамның негізгі міндеті топтан бөлініп қалған адамдарды бақылап, олардың адасып кетпеуін қадағалап, қауіпті жағдайларды ескертіп, аяқасты болған жағдайларды жорықты бастап келе жатқан адамға уақытылы айтып отырады. Туристер тобынан қалып қойған адамның хал-жағдайын сұрап, қажет болған жағдайда оған көмек көрсетеді. Таулы жорықтарда тас құлаған жағдайда немесе қар көшкіні болған уақыттары бірден арнайы хабар беріп, туристерді қауіпсіз жерге орналастырып, сақтандыруларына көмек көрсетеді. Туристер соңында келе жатқан адамды көбінесе қайратты, күшті туристер арасынан таңдап алады. Ол қатерлі жағдайларда өз бетімен, әлде басқалардың көмегімен құтқару жұмыстарын қамтамасыз етеді. Ал енді күрделі жол бөлімдерінде туристік жорықты басқарушының өзі осы жұмыстарды өз мойнына алады.