Үй жиһаздарының көне атаулары

Қазақ халқының үй жиһаздары ерте кезде басқа болған. Олар көшіп–қонуға ыңғайланып жасалған. Абажа – тамақ пен ыдыс–аяқ сақталатын кебеженің үлкен түрә. Ағаштан жасалып, киізбен, былғарымен қапталған. Кебеже – сүр ет, құрт, шай салып, сақтау үшін ағаштан жасап, өрнектеген үй жиһазы. Әбдіре – зат сақтайтын үлкен сандық, сырты қаңылтырмен әшекейленіп қапталады. Ағаш төсек – жату үшін пайдаланылатын үй жиһазы. Асадал – тамақ пен ыдыс–аяқ сақталатын кебеже. Шкаф немесе буфет деудің орнына асадал деп атаған дұрыс. Жастықағаш – ерте кезде жастықтың астына салынатын ағаш тиянақ. Адалбақан – киім ілуге арналған үй жиһазы. Киім ілгіш деудің орнына адалбақан деп атаған дұрыс. Жүкаяқ – үйде жүк астына қоятын ағаш. Сандық – киім–кешек т.б. зат салуға арналған үй жиһазы.