Үлкен тосқауыл рифі
Үлкен тосқауыл рифі (ағылш. Great Barrier Reef) — Австралияның солтүстік-шығыс жағалауын бойлай орналасқан Маржанды теңізіндегі маржан аралдары мен рифтер тізбектері.
Ұзындығы шамамен 2300 км. Рифтің ені солтүстік бөлігінде 2 км, оңтүстігінде 150 км. Көпшілігі су астында орналасқан, теңіз деңгейі қайтқан кезде ғана көрінеді. Үлкен тосқауыл рифі мен құрлық жағалауы аралығында тереңдігі 50 м-ден аспайтын, теңіз толқындарынан тосқауыл рифпен бөлінген, кеме жүзуге пайдаланатын “Ішкі канал” бар.
Үлкен тосқауыл рифіндегі кеме өтуге қолайлы 20 өткелдің бастылары: Үлкен Солтүстік-Шығыс, Рейн-Айленд, Кук, Тринити.
1979 жылы ауданы 5 млн га болатын Теңіз ұлттық саябағы құрылды; өсімдігі мен жануарлар дүниесі қорғалады.[1]
[өңдеу] Дереккөздер
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9
[өңдеу] Сыртқы сілтемелер
 |
Ортаққорда бұған қатысты таспалар бар: Great Barrier Reef
|
Координаттар: 18°17′10″ о. е. 147°42′00″ ш. б. / 18.286111° о. е. 147.7° ш. б. (G) (O)
- How the Great Barrier Reef Works (ағыл.)
- World heritage listing for Great Barrier Reef (ағыл.)
- Great Barrier Reef Marine Park Authority (ағыл.)
- CRC Reef Research Centre (ағыл.)
