Ұрыс қимылдарын қамтамасыз ету

Ұрыс қимылдарын қамтамасыз ету

Әскерді (күштерді) жоғары жауынгерлік өзірлік жағдайында ұстап тұруға, ұрысқа кабілеттілігін сактауға, ұрысты ұйымдастыру мен оған дер кезінде кірісуге қолайлы жағдайлар туғызуға, сондай-ақ, қарсыластың күтпеген шабуылын тойтаруға немесе алдын алуға, онын соққыларының әсерін төмендетуге бағытталған шаралар кешені. Орындалатын міндеттер мен қолданылатын шаралардын сипатына қарай ұрыс қимылдарын қамтамасыз ету оперативтік (жауынгерлік), арнайы техникалык және тылдық болып бөлінеді.

Ұрыс қимылдарын түнде жүргізу

Бөлімшелер мен бөлімдердің тәуліктің қараңғы уақытындағы іс-қимылдары. Түн әскердің ұрыстық қимылдарын белгілі бір дәрежеде қиындатқанымен, әскердің жауынгерлік міндеттерді мейлінше аз шығындармен орындауға және тұтқиыл жағдайлар жасауға мүмкіндік береді. Қазіргі кездеп ұрыстарда түнгі қимылдар әдеттеп ісқимыл болып саналады. Ұрыс қимылдарын түнде тиімді жүргізу бөлімшелерден түнгі көру аспаптарын, жарықтандыру құралдарын, сондай-ақ хабарлау мен міндет көрсету құралдарын білікті қолдануды талап етеді.

Ұрыс қимылдарының журналы

Ұрыс қимылдарына даярлану және оны жүргізу барысын жазуға арналған бөлім штабтары мен құрамаларының есепті қүжаттарының бірі. Журналға жазу ұрыс жағдайының өзгеруіне байланысты күнделікті жүргізіледі. Оған қажетті құжаттар мен есеп карталарының көшірмелері тіркеліп отырады. Ұрыс қимылының журналы әскери тәжірибені жинақтап, талдау және есеп беру үшін және әр түрлі анықтамалар жасау үшін қолданылады.

Ұрыс құжаттары

Ұрыс қимылдарына даярлық және оларды жүргізу кезінде, әскерді кайта топтауды ұйымдастырғанда және олардың сол жерде, сонымен қатар оқуда орналасуы кезінде жасалатын құжаттар. Ұрыс құжаттарына мыналар жатады:

• әскерді басқаруға арналған құжаттар (операциялар мен өзара үйлесімді қимыл жоспарлары, ұрыстық, оперативтік, тылдық және арнайы техникалық қамтамасыз ету жөніндегі әскери бұйрыктар, әкімдер мен жоспарлар, оперативтік директивалар, тыл жөніндегі директивалар және т.б. бұйрықтар мен әкімдер);
• ақпараттық-есеп құжаттары (хабарлама, мәліметтер, есеп беру карталары, ұрыс қимылдары жөніндегі журналдар т.б.); *анықтамалық құжаттар (жүмыс карталары, оперативтіктактикалық есептер, әскердің жауынгерлік және сандық құрамы туралы мәлімет, кестелер, графиктер, сызбалар, анықтамалар және т.б.).