Ұсақ гүлді жанаргүл
Ұсақ гүлді жанаргүл, Сарғалдақтар тұқымдасы — Қазақстан үшін әдеттегі түр. Ол құрғақ беткейлерде, шіліктерде, шалғынды құмда өседі. Дала зоналарынан бастап солтүстік шөлдергедейін және Тарбағатай мен Алтайдан басқа барлық таулы аудандарда кездеседі. Алдыңғы түрден ерекшелігі өсіп-өнуі бір жылдың ішінде аяқталады, жіңішке, жиібұтақтанатын сабақты (биіктігі 50 см-ге дейін) және едәуір ұсақ гүлді. Олардың түсі ашық, алау қызыл түсті, ортасында қара дақтары бар. Өсімдіктің халық арасындағы атауы осыған байланысты орыс тілінде - „уголек в огне“ „от шоғы“ ағылшынша — „глаз фазана“ „қырғауылдың көзі“. Оны өсіру - өте жеңіл, бір рет себілген жеріне, тұқымы арқылы өздігінен өсіп шыға береді. Тартымды декоративті өсімдік, гүлдеу мерзімі ұзақ (мамыр-маусым) осы қасиеті алғашқы көгалдандыру үшін қызығушылық тудырады.
Дереккөздер[өңдеу | қайнарын өңдеу]
«Қазақстанның өсімдіктер әлемі» А.А. Иващенко, Алматыкітап баспасы 2012ж.