Ұңғыма өнімділігі

Ұңғыма өнімділігі. Игерудің ұтымды жағдайларында бұрғылау ұңғымасының нақтылы уақыт аралығында белгілі бір мөлшердегі өнім беру қабілеті. Ұңғыма таза өнім берген жағдайда (мысалы, су араласпаған мұнай немесе газ массаларын берген жағдайда) оның өнімділігі сандық тұрғыдан сол ұңғыма дебитіне тең. Мұнай мен су, немесе газ бен су өндірілген жағдайда Ұңғыма өнімділігі пайдалы өнімнің дебитімен ғана анықталады. Ұңғымадан мұнай, газ, конденсат үшеуі қатар өндірілген жағдайда, Мұндай ұңғыманың өнімділігі аталған өнімдердің әрқайсысы тұрғысынан жеке-жеке анықталады. Ұңғыма өнімділігінің сандық көрсеткіштері өнімділік тендеулері көмегімен кептеліп шығарылады.