Әбдіманап Бектұрғанов Елікбайұлы

Әбдіманап Елікбайұлы Бектұрғанов
Әбдіманап Елікбайұлы Бектұрғанов
Сурет:Әбдіманап Елікбайұлы Бектұрғанов.jpg
Туған күні	28 тамыз 1958 жыл
Туған жері	Абай ауылы, Келес ауданы, Шымкент облысы, Қазақстан
Азаматтығы	Қазақстан
Ұлты	Қазақ
Қызметі	ректор

Әбдіманап Бектұрғанов Елікбайұлы (28 тамыз 1958 жыл, Абай ауылы, Келес ауданы, Шымкент облысы ) - заң ғылымдарының докторы, профессор, ҚР ҰҒА корреспондент-мүшесі.

Өмірбаяны

1958 жылы 28 тамызда Шымкент облысы, Келес ауданы, Абай ауылында қызметкер отбасында дүниеге келді. Ұлты – қазақ. Білімі жоғары.

1976 жылы С.М. Киров атындағы ҚазМУ-дің, заң факультетіне оқуға түсті.

1981 жылы аталған университетті үздік аяқтап, экономика және құқық кафедрасына ассистент қызметіне жұмысқа қалды. 1988 жылы заң ғылымдарының кандидаты ғылыми дәрежесін алу үшін «Правовое обеспечение рационального использования орошаемых земель» тақырыбында кандидаттық диссертациясын қорғады. 1997 жылы «Қазақстан Республикасындағы жер құқық қатынастары» тақырыбында докторлық диссертациясын сәтті қорғады. 1981-2001 жылдар аралығында әл-Фараби атындағы Қазақ ұлттық университетінде ассистент, аға оқытушы, доцент, профессор, кафедра меңгерушісі, факультет деканының орынбасары, заң факультетінің деканы, экономика және құқық институтының директоры қызметтерін атқарды.

2001 жылдан бастап 2008 жылға дейін М.Х.Дулати атындағы Тараз мемлекеттік университетінде ректор қызметін атқарды.

2008 жылдан бастап осы уақытқа дейін І. Жансүгіров атындағы Жетісу мемлекеттік университетінде ректор қызметін атқаруда. Ол отандық және шетелдік басылымдарда жарық көрген 262 ғылыми еңбектердің авторы. «Қазақстан Республикасында жер құқық қатынастарының субъектілері мен объектілері», «Способы обеспечения исполнений договорых обязательств», «Аграрлық саладағы кәсіпкерліктің қалыптасуы мен дамуы (құқықтық талдау)», «Правовая охрана окружающей среды от загрязнения в Республике Казахстан», «Правовое регулирование использования животного мира в Республике Казахстан», «Қазақстан Республикасының азық-түлік қауіпсіздігін құқықтық қамтамасыз етудің мәселелері» атты монографиялары, сонымен қатар «ЖГУ им. И.Жансугурова: международная аккредитация прошла успешно» - Современное образование №4 (84) 2011 г., «Аграрно-правовая наука и практика Казахстана: проблемы экологической и продовольственной безопастности в условиях перехода к устойчивому развитию». ҚазҰУ хабаршысы. Заң сериясы. №4, 46-49 бб. 2012 г., «Формирование экологической культуры через совместную научно-исследовательскую деятельность студентов и преподавателей», материалы международной конференции - Вестник международной Академии Наук. 97-99 сс. 2012 г., «Legal Problems of the Modern Agricultural Policy» - Procedia – Social and Behavioral Sciences. Antalya, 2013., «The problems of legal the investment agreement in the subsoil in the republic of  Kazakhstan» - Procedia – Social and Behavioral Sciences. Antalya, 2013., «Одна страна – одна судьба: из истории формирования полиэтнического состава населения Жетысу» - Очерк, Изд. Жетісу университеті. – 260 с. – 2014 г., «Казахско-русский терминологический словарь для юриспруденции» - Алматы, Изд. «Казакпарат», 2014., «Жетысуский государственный университет имени Ильяса Жансугурова» - Большая международная энциклопедия. «Лучшие люди. Лучшие в образовании», 2015 г. атты ғылыми басылымдары бар.

Ә.Е. Бектұрғанов ҚР БҒМ ғылым комитетінің 2015-2017 жылдарға арналған гранттық жобалардың жетекшісі болып табылады.

Ә.Е. Бектұрғанов Қазақстан халқы Ассамблеясының мүшесі, Алматы облыстық Қазақстан халқы Ассамблеясы ғылыми сараптау тобының төрағасы, «Нұр Отан» Халықтық Демократиялық партиясы Алматы облыстық филиалы жанындағы «Сыбайлас жемқорлыққа қарсы күрес жөніндегі» қоғамдық кеңестің төрағасы, Алматы облыстық «Аманат» ХДП саяси кеңесі бюросының мүшесі, Алматы облысының Құрметті азаматы, желтоқсан, 2012 жыл, ҚР ҰҒА корреспондент-мүшесі 2013 жыл.

Марапаттары

• 2014 ж. «Құрмет»
• 2011 ж. «Парасат» ордені
• 2001 ж. «ҚР тәуелсіздігіне 10 жыл»
• 2005 ж. «Қазақстан Республикасы Конституциясына 10 жыл»
• 2006 ж. «Қазақстан Республикасы Парламентіне 10 жыл» мерейтойлық медалімен,
• 2008 ж. «Ы.Алтынсарин» төсбелгісі,
• 2010 ж. Қазақстан Республикасы білім беру ісінің құрметті қызметкері,
• 2011 ж. «Қазақстан Республикасы ғылымын дамытудағы еңбегі үшін» төсбелгісі,
• 2012 ж. «Ахмет Байтұрсынов» алтын медалімен марапатталды.

Сілтемелер

• Әбдіманап Бектұрғанов Елікбайұлы өмірбаяны Мұрағатталған 8 наурыздың 2016 жылы.