Әбдінұр Әбілдаұлы Асылбеков

Асылбеков Әбдінұр Әбілдаұлы (15.1.1948 ж.т., Оңтүстік Қазақстан облысы, Түлкібас ауданы, Высокое ауылы) – Байзақ ауданының әкімі (2002). Жамбыл жеңіл және тамақ өнеркәсібі технологиясы институтын (1970), Алматы зоовет. институтын (1986) бітірген. 1970 – 1971 Мойынқұм ауданы өндірістік басқармасында инженер, 1971 – 73 жылдары Жамбыл ауданында ауыл шаруашылығы басқармасында бас экономист, 1976 – 1983 жылдары аудандық партия комитетінің ұйымдастыру бөлімінің нұсқаушысы, бөлім меңгерушісі, 1983 – 1990 жылдары аудандық атқару комитеті төрағасының орынбасары, 1990 – 1997 жылдары ауданаралық мал өсіру және бордақылау бірлестігінің директоры, 1997 – 1998 ж. Облсытық шаруа қожалықтары мен ӨК-тер ассоциасиясының төрағасы, 1999 – 2002 ж. Жамбыл ауданының әкімі болады. 2002 ж. сәуірде Байзақ ауданының әкімі болып тағайындалады. Қазір Жамбыл облысы мәслихатының хатшысы (2003 жылдың қазан айынан).