Әли-Аббасоғлы Рустамзаде Сулейман
Әли-Аббасоғлы Рустамзаде Сулейман (лақап аты:Сулейман Рустам ) (27.11.1906 жылы туған, Баку)- азербайжан кеңес ақыны, драматург, Кеңес Еңбек Ері (1976). 1940 жылдан КПСС мүшесі. Азербайжан АКСР-нің еңбек сіңірген өнер қайраткері (1943), Азербайжан халық ақыны (1943), 1971 жылдан Азербайжан КСР Жоғары Кеңесінің председателі.
Өмірі[өңдеу | қайнарын өңдеу]
Жұмысшы отбасысында туды. Азербайжан Мемлекеттік университетінде (1927 жылдан), Мәскеу Мемлекеттік университетінде (1929 жылдан) оқыды. Шығармалары 1923 жылдан жариялана бастады.
Еңбектері[өңдеу | қайнарын өңдеу]
«Жұлдыз» (1934),«Чапаев»(1936), «Түн романтикасы»(1938) өлеңдер жинақтары шықты. Ұлы Отан соғысы жылдарында жазған «Ант», «Кавказ жүрегі сөйлейді»,«Күткен күн», «Ана мен почтальон» т.б. өлеңдері, « Гасак Наби» (1940),«Дурна»(1948) атты пьесалары бар. Соғыстан кейінгі жылдары ақынның халықаралық бейбітшілік жолындағы күрес, социалисттік құрылысқа арнаған көптеген шығармалары жарық көрді. «Орыс бауырым туралы сөз»(1960) атты поэмасы жоғары бағаланды.
Сыйлықтары[өңдеу | қайнарын өңдеу]
«Екі жаға» кітабы(1949) үшін КСРО Мемлекеттік сыйлығын (1950) алды.
Қолданылған әдебиет[өңдеу | қайнарын өңдеу]
Қазақ Совет энциклопедиясы, 1976 жыл, Алматы,10 том, 443 бет