Әскери байланыс

Әскери байланыс (Войсковая связь) — бұйрықтарды, жарлықтарды, хабарларды, белгілерді, т.б. қабылдай алатын және кері жеткізе алатын жабдықтар мен тәсілдердің жиынтығы. Әскери байланыс — ұрыста әскерлерді дұрыс басқарудың негізі. Ұрыс жағдайында әскери байланыс жасай алмау — әскерлерге басшылық етуден айрылу деген сөз. Әскери байланыстың негізгі міндеттері: командирдің өз қарамағындағы әскерлерге үздіксіз басшылық жасауын және олардан хабар алып отыруын қамтамасыз ету; Қарулы Күштер түрлерінің белгілі бір мақсатқа арналған әскерлерінің және көршілес әскер бөлімдері мен бөлімшелерінің өзара бірлесіп ұрыс жүргізуін камтамасыз ету; әскерлерге қарсыластың атом қаруын қолдануы мен әуе шабуылы туралы дер кезінде хабарлау; тылға үздіксіз басшылық жасау және әскерлерді техникамен жабдықтауды ұйымдастыру.