Өткізу тәртібі

Өткізу тәртібі (орыс. Пропускной режим) — күзетілетін аймаққа (әскери бөлімге, мекемеге, орынға, жабық түрдегі көсіпорынға, т.б.) кіру мен шығудың, түрлі заттарды (жүктерді) кіргізу мен шығарудың, сонымен қатар жеке құрам мен келушілердің күзетілетін аймақта болуының тәртібін анықтайтын, міндетті түрде орындалатын ережелер жүйесі. Өткізу тәртібінің негізгі мақсаты — мемлекеттік және әскери құпияны, жоғары кырагылықты және әскерлердің жауынгерлік әзірлігін сақтауды қамтамасыз ету. Ол қандай да бір бақылау түрлерін (әдетте, рұқсаттама, жеке куәлік және т.б.) және тұлғаларды (заттарды, жүктерді) тексеру ережесін қолданудан тұрады. Өткізу тәртібіне сәйкес ережелер, басшылыктар, бұйрықтар, нұсқаулар белгіленеді. Өткізу тәртібін ұйымдастыру жауапкершілігі әскери бөлімнің, мекеменің, әскери оқу орнының және т.б. командирлеріне (бастықтарына) жүктеледі. Өткізу тәртібін күнделікті сактау үшін кейбір жағдайларда арнайы бәлінген тұлғалар белгіленіп, бақылау-өткізу пункті кұрылады. Сондай-ақ, мемлекеттік шекараны күзету жүйесінде де одан заңсыз әтуге және шекаралық аймақ пен шекаралық алқапта бөгде адамдар болуына тыйым салу үшін өткізу тәртібі орнатьшады.