2004 Жазғы Олимпиада ойындары

Уикипедия жобасынан алынған мәлімет
Мұнда ауысу: шарлау, іздеу

XXVIII олимпиялық ойындар (13-29 тамыз 2004 жыл, Афины, Грекия, 201 мемлекет қатысты), 2004 жылдың 13 (1899) қыркүйегінде біздің заманымыздағы олимпиялық ойындардың басталғанына 108 жыл өткен соң Грекия мемлекетінің астанасы Афины қаласында XXVIII жазғы Олимпиялық ойындардың алауы жағылды. 1997 жылғы Халықаралық Олимпиялық комитеттің 106-шы сессиясында 2004 жылғы ойындардың астанасы болу үшін бәйгеде Буэнос- Айрес, Кейптаун, Рим, Стокольмдер бәсекеде Афины қаласының жеңіп шыққандығы жарияланды.

Қазақстан нәтижесі[өңдеу]

Афины рингінде қазақ боксшысы жамбылдық Бақтияр Артаев өз салмақ дәрежесінде (69 кг) чемпион атануымен қатар, олимпиялық турнирдің ең үздік былғары қолғап шеберіне тағайындалған бас жүлдені жеңіп алды. Еркін күрестің шебері Генадий Лалиевтің күміс медалі төбемізді көкке жеткізбегенімен мерейімізді біраз биікке көтеріп тастады. 60 килограмдық салмақ дәрежесінде рингке көтерілген қарағандылық Серік Елеуов. Серік бұл жолы республиканың құрама командасына қола медаль әкелді. Грек-рим күресінен Георгий Цурцумия финалдық белдесуде ресейлік Бароевтан ұтылды. Ал Әлемнің екі дүркін чемпионы Мкхитар Манүкян жартылай финалда түрік Ероғылға 4:0 есебімен тізе бүгіп қола медаль алды. 77 килограмга дейінгі салмақ дәрежесіндегі өте күшті ауыр атлет, штанганы екі қолмен жүлқи көтерудегі Әлемнің рекордшысы (оның 173 киллограмға тең әлемдік рекорды әлі күнге дейін жаңарған жоқ) үштөбелік Сергей Филимонов құрама команда жаттықтырушыларының тәжірибесіздігінен күміс медаль алып қалды.[1]

Дереккөздер[өңдеу]

  1. Қазақстан - спортшылар елі. Энциклопедиялық анықтамалық. - Алматы: "Сөздік-Словарь". ISBN 9965-822-57-3