Summertime

«Summertime» (ағылш. Жазғы кез) — 1933-1934 жылдары Джордж Гершвин жазған ария. Мәтіні Дюбоз Хейуордтың «Порги» романынан алынып, композитордың ағасы Айра Гершвиннің өңдеуінен өткен.

1935 жылы ән Гершвиннің «Порги және Бесс» операсында орындалады. Сол жылдың шілдесінде алғаш рет Эбби Митчеллдің орындаунда күйтабаққа жазылады. Тез арада ән джаз стандартына айналып, көптеген әншілердің репертуарына кірген.

1959 жылы опера негізінде фильм түсіріледі. Лули Джин Норман орындауындағы осы ән Америкалық кино институтының «100 жыл... 100 ән» деп аталатын фильмдерде ойнайтын әйгілі әндердің тізіміне енеді.

2017 жылы Гиннесс рекордтар кітабы бұны әртүрлі үлгіде ең көп жазылған ән деп танып, оның 67 591 нұсқасы бар екенін көрсетті.^[1]