Альберт Әлiшұлы Ақшабаев

Альберт Әлiшұлы Ақшабаев (1938 ж.т., Жамбыл облысы, Шу ауданы, Төле би ауылы) – техника ғылымының докторы (1992), профессор (1993). Қазақ химия-технология институтын бiтiрген (1961). 1961–64 ж. Новосибирск зауытында мастер, 1965–72 ж. Қазақ құрылыс-жобалау ғылыми-зерттеу институтында аспирант, кiшi ғылыми қызметкер, бас инженер, 1972–77 ж. тресте аға инженер, бас инженер, кiрпiш зауытының директоры, 1978–81 ж. Жамбыл гидромелиоративтiк-құрылыс институтында аға оқытушы, доцент қызметтерін атқарды. 1992 жылдан қазіргі Қазақ Бас сәулет-құрылыс академиясында доцент, профессор қызметінде. 90-нан аса ғылыми еңбектің, оның iшiнде 2 монографияның авторы.