Бір жақты және екі жақты жазықтықтар – жазықтықтардың кеңістікке орналасу қалпы (тәсілі) бойынша ажыратылған екі түрі. Цилиндр мен Мебиус бетін мысалға алайық. Егер цилиндрдің кез келген бетінен (мысалы сыртқы бетінен) бастап оны сырлайтын болсақ, оның тек бір жақ беті ғана сырланады. Ал Мебиус бетінің кез келген тұсынан бастап боялатын (сырланатын) болса, оның екі беті бір мезгілде толық боялатын болады. Осы мысалдағы цилиндрдің беті – екі жақты бет, ал Мебиус беті – біржақты бет болып табылады. Осы екі беттің тағы бір ерекшелігі цилиндің шекарасы екі қисықтан, ал Мебиус бетінің шекарасы бір ғана қисықтан құралған.[1]
