Иманғара
| Иманғара тауы | |
| Сипаттамасы | |
|---|---|
| Ұзындығы |
8-10 км |
| Ені |
8-10 км |
| Биіктігі |
200 м |
| Орналасуы | |
|
47°22′31″ с. е. 54°27′01″ ш. б. / 47.37528° с. е. 54.45028° ш. б. (G) (O) (Я)Координаттар: 47°22′31″ с. е. 54°27′01″ ш. б. / 47.37528° с. е. 54.45028° ш. б. (G) (O) (Я) | |
| Елдер | |
|
| |
|
| |
Иманғара, Иманқара – Каспий ойпатының солтүстік-шығысындағы дөңгелек пішінді оқшау аласа тау.
Таудың шыңында сақ кезеңіндегі қорымдар мен қорғандар орналасқан (б. з. д. V ғасыр).[1] Ежелгі дәуірде шың қасиетті орын деп саналды.[2]
Географиялық орны[өңдеу | қайнарын өңдеу]
Атырау облысының Жылыой ауданында, Құлсары қаласынан солтүстік-шығысқа қарай 65 км жерде орналасқан.
Жер бедері[өңдеу | қайнарын өңдеу]
Абсолюттік биіктігі 200 м, ұзындығы мен ені 8-10 км. Биіктеу батыс бөлігі жарқабақтанып тілімденген, қалған бөліктері үстіртті жазық. Етегінде бұлақтар кездеседі. Таудың басындағы 3 алаңқайда сақ дәуірінің (б.з.б. 5 ғ.) обалары мен қорғандары орналасқан.
Жалпы сипаттама[өңдеу | қайнарын өңдеу]
Тау үсті жазық болып келген. Осы жазықтықта 18 оба орналасқан. 1989-1991 жылдары 6 обаға археологиялық қазба жұмыстары жүргізілген. Біздің эрамызға дейінгі V ғасырға жататын қабірлер ашылды. Оларда адам сүйектері жерленіп, жандарына қанжар, қола жебе, қола айна, шыны моншақ, қыш ыдыстар қойылған. Қорғандар биіктігі 0,5-1 м аралығында, диаметрі 3-15 м-ге дейін. Таудың батыс сілімінде құлпытастар бар, көлемі 3х4 м. Қабірлер тігінен және жатқызылып қойылған тастардан қаланған. Таудың батыс жақ үңгір орналасқан. 1944 жылы бұл үңгірге немістердің диверсиялық топтары жасырынған. Үңгірдің биіктігі 2 м, ені 2,5 м, тереңдігі 25 м. Тік төртбұрышты болып қазылған, 3 дәлізден тұрады. Қабырғаларында күрек, қайла іздері байқалады.[3]
Өсімдігі[өңдеу | қайнарын өңдеу]
Тау беткейлерінде бұта аралас бұйырғын, тасбұйырғын, боз жусан тағы басқа шөлді белдемнің өсімдіктері өседі. Иманғара өңірі жазғы жайылымдық.[4]
Дереккөздер[өңдеу | қайнарын өңдеу]
- ↑ Имангара // Казахстан. Национальная энциклопедия. — Алматы: Қазақ энциклопедиясы, 2005. — Т. II. — ISBN 9965-9746-3-2.
- ↑ http://atyrautv.kz/ru/news/society/respublikanskaya-ekspediciya-pribyla-v-atyrau Мұрағатталған 3 шілденің 2020 жылы. Республиканская экспедиция прибыла в Атырау. Телеканал «Атырау» (8 ноября 2017).
- ↑ Сағыздың бойы ен жайлау 1-кітап Алматы: «Арыс» баспасы, 2009 ж. ISBN 9965-17-582-9
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том