Көшім-Тау қалашығы

Көшім-Тау қалашығы
Мемлекет	Түмен (Сібір) хандығы
Қазіргі жері	Ресей Федерациясы, Түмен облысы, Есіл ауданы
Басқаша атаулары	городище Кучум-Гора

Көшім-Тау қалашығы (орыс. городище Кучум-Гора) — Түмен (Сібір) хандығының құрамындағы ортағасырлық қала. Қазіргі Ресей Федерациясы, Түмен облысының Есіл ауданында, Рогозино ауылынан 1,5 км солтүстік-шығысқа қарай орналасқан.

Тарихы

Қалашық мойнақ арқылы қосылған екі кішкентай сопақ алаңшадан құралған. Оңтүстік алаңша террасаның негізгі массивінің үшбұрышты шығыңқы бөлігіне тар жолақпен түйіскен. Ескерткіштің әр алаңшасы оқшауланған және қолжетімдігі қиын. 1963-1964 жылдары қалашықты Орал археологиялық экспедициясының Есіл отряды зерттеген. Қазба жұмыстарының қорытындысы бойынша ғалымдар адамдардың қалашыққа кейінгі қола және кейінгі орта ғасырда қоныстанғанын анықтады. Бірінші және екінші алаңшалардан кейнгі қола дәуіріне жататын мәдени қабат пен керамиканың фрагменттері табылған.

Әдебиет

• Голдина Р. Д. Городище Кучум-Гора / Р. Д. Голдина // Вопросы археологии Урала. — Свердловск, 1969. — Вып. 8. — С. 138-158.
• Тюменское и Сибирское ханства / под ред. Д. Н. Маслюженко, А. Г. Ситдикова, Р. Р. Хайрутдинова. — Казань: Издательство Казанского университета, 2018. — 560 с. — ISBN 978-5-00130-021-2