Лора Мақсұтқызы Нәрікбаева

Лора Мақсұтқызы Нәрікбаева (30.5.1964 жылы туған, Алматы облысы Талдықорған қаласы) – педагогикалық ғылым докторы (2008). Алматы мемлекеттік консерваториясын (1990, қазіргі Қазақ ұлттық консерваториясы) және ҚазПИ-дің (2001, қазіргі ҚазҰПУ) аспирантурасын бітірген. Талдықорған педагогикалық университетінде оқытушы (1990–1997, Жетісу мемлекеттік университеті), Қазақ мемлекеттік қыздар педагогикалық университетінде стажер-зерттеуші (1997–1998) болды. 1999 жылдан ҚазҰПУ-да доцент қызметін атқарады. Негізгі ғылыми еңбектері дарынды балалар мен жастарды жан-жақты тәрбиелеудің психология-педагогикалық мәселелеріне арналған. [[«Развитие профессиональной одаренности будущего специалиста в высшей педагогической школе»]] тақырыбында докторлық диссертация қорғады.