Ферлан Менди

Ферлан Менди
Жалпы мағлұмат
Туған күні	8 маусым 1995 (1995-06-08) (28 жас)
Азаматтығы	Франция
Бойы	180
Салмағы	73
Позиция	қорғаушы
Клуб жайлы ақпарат
Клуб	Реал Мадрид
Номері	23
Клуб карьерасы 2015—2017 Гавр 47 (2) 2013—2015 Гавр II 56 (1) 2017—2019 Олимпик Лион 57 (2) 2019— Реал Мадрид 43 (2) Ұлттық құрамы 2018— Франция 7 (0)

Ферлан Менди (фр. Ferland Mendy; 8 маусым 1995 жыл, Мёлан-ан-Ивелин, Франция) — франциялық футболшы, Франция Ұлттық футбол құрамасы мен "Реал Мадрид" клубының қорғаушысы.

Карьерасы

Клубтық

Ферланның анасы сенегалдық. Балалық шағында "Пари Сен-Жермен", "Гавр" клубтарының мектебінен өтті. 2015 жылы "Гавр" сапында Франция чемпионатында ойнай бастады. 24 сәуірде 2 лигадағы тұңғыш ойынын "Сошоға" қарсы өткізді.

2017 жылы 29 маусымда "Олимпик Лионға" ауысты, трансфер құны 5 млн еуроны құрады. 26 тамызда "Нант" клубына қарсы ойында жаңа командасы сапындағы тұңғыш ойынын өткізді. 23 қыркүйекте "Дижонмен" ойында екі нәтижелі пас берді. Бұл ойын 3:3 есебімен тең аяқталды. Бірақ ұзамай жиі тәртіп бұзды да, негізгі құрамдағы орнынан айрылып қалды. Жалпы 2017/18 жылғы маусымда 28 кездесуде алаңға шығып, 8 нәтижелі пас берді.

2018/19 жылғы маусымда негізгі құрамға берік орнықты да, Еуропаның бірнеше белді клубтары Мендиді қатарына қосып алғылары келетінін мәлімдеді.

2019 жылы 12 маусымда "Реал Мадрид" футболшысы атанды.

Құрама

2018 жылы қараша айында Уругвайға қарсы матчта тұңғыш рет Франция сапында алаңға шықты.

Жетістіктері

Командалық

• Испания суперкубогы: 2019/20
• Испания чемпионы: 2019/20
• УЕФА Ұлттар лигасы: 2020/21

Сілтемелер

• Профилі