Қазақстан Республикасының парламентіне 10 жыл медалі
| «Қазақстан Республикасының парламентіне 10 жыл» медалі | |
|---|---|
  | |
| Мемлекет |  Қазақстан
|
| Түрі | Медаль |
| Жағдайы | беріледі |
| Негізделді | 7 қараша 2005 жыл |
| Жоғары марапаты | «Қазақстан Конституциясына 10 жыл» медалі |
| Төменгі марапаты | «1941-1945 жж. Ұлы Отан соғысындағы Жеңіске 60 жыл» медалі |
| Medal "10 Years of the Parliament of Kazakhstan" Ортаққорда | |
«Қазақстан Республикасының парламентіне 10 жыл» медалі — Қазақстан Республикасы Президентінің 2005 жылғы 7 қарашадағы № 1666 Жарлығының негізінде тағайындалған Қазақстан Республикасының мемлекеттік марапаты.
Медальдар Өскемендегі Қазақстан теңге сарайында дайындалады.
Ережесі[өңдеу | қайнарын өңдеу]
Мерейтойлық медаль қазақстандық парламентаризмнің дамуы мен қалыптасуына елеулі үлес қосқан, сондай-ақ Қазақстан Республикасы Парламентінің 10 жылдығын мерекелеуге орай Қазақстан Республикасының азаматтары мен шетелдік азаматтарды марапаттады.
Сипаттамасы[өңдеу | қайнарын өңдеу]
«Қазақстан Республикасының Парламентiне 10 жыл» мерекелiк медалі диаметрi 34 мм дұрыс шеңбер пiшiндi жезден дайындалады.
Медалдiң бет жағының ортасында Қазақстан Республикасының Мемлекеттiк туы бейнеленген. Тудың бейнесi көк түстi эмальдан жасалған. Медалдiң төменгi бөлiгiнде шеңбердi бойлай лавр бұтақшасы орналасқан. Тудың оң жағында екi жолға жазылған «10 жыл» деген бедерлi жазу бар.
Медалдiң артқы жағының ортаңғы бөлiгiндегi жылтыр бетке үш жолдан тұратын «Қазақстан Республикасының Парламентi» деген жазу жазылған. Жазудың астындағы төменгi бөлiкте ұлттық ою-өрнек элементi орналасқан.
Медалдағы бейнелер мен жазулардың бәрi де бедерлi, алтын түстес келеді. Медалдің шеттері ернеумен жиектелген.
«Қазақстан Республикасының Парламентiне 10 жыл» мерекелiк медалi құлақша мен шығыршық арқылы жезден жасалған, енi 34, биiктiгі 50 мм алтыбұрышты тағанмен жалғанады. Таған Қазақстан Республикасының Мемлекеттiк туы түстес қатқыл таспамен қапталған, оның екi жақ жиегi енi 4 мм көк түстi жолақпен көмкерiлген. Таспаның ортасында әрқайсысының енi 2 мм екi сары жолақ орналасқан. Қатқыл таспаның енi 34 мм. Тағанның артқы жағында түйреуiш орналасқан, медаль соның көмегiмен киiмге тағылады.