Айдаһар ағашы
| Айдаһар ағашы | ||||||||||
|---|---|---|---|---|---|---|---|---|---|---|
 |
||||||||||
| Ғылыми топтастыруы | ||||||||||
|
Айдаһар ағашы, Драце́на (лат. Dracaena) – агавалар тұқымдасына жатады. Отаны – Африка, Азия. Таралған аймақтары Үндістан, Канар аралдарының тропиктік және субтропиктік белдеулері. Табиғатта 300-ге жуық түрі бар. Оның 40-қа жуық түрін үй жағдайында өсіреді. Ағаш тәріздес, пальмаға ұқсас көркем жапырақты өсімдік. Пальмаға ұқсағанымен, онымен туыстығы жоқ. Жапырақтары түріне байланысты жалпақ, жіңішке, ірі және ұсақ болады. Түстері жасыл, қою жасыл, әсіресе ақала, сарыала жолақтары бар жапырақтары өте әдемі. Драценаның «айдаһар ағашы» аталуы, гүлдің табиғатта үлкен болып өсетін қасиетіне байланысты қойылған. Үндістанда үлкен драценаның саясына қойылған орындықтарға 60 адам отыра алады екен. Оның биіктігі үй жағдайында 2 метрге жетеді. Гүлдері ұсақ, ашық жасыл, күлгін, ақ түсті. Үй жағдайында өте сирек гүлдейді. Гүлдері әрсіз. Өсімдік әдемі жапырақтары, пальмаға ұқсас экзотикалық пішіні және күтімі жеңіл болғандықтан қазіргі кезде үлкен қолданыста. [1]
Мазмұны |
[өңдеу] Жарығы:
Ала жапырақтыларына жарық қажет, көлеңкеде түссізденіп кетеді. Жасыл жапырақтылары көлеңкеге шыдамды.
[өңдеу] Жылуы:
Қыста 12-140С төмен болмағаны абзал.
[өңдеу] Суғарылуы:
Жазда жиірек, қыста сирек суғарылады.
[өңдеу] Ылғалдылығы:
Күнара су бүркіп тұрса, жапырақтарының ұшы құрғамай, әдемі болып өседі.
[өңдеу] Қоректендірілуі:
Көктем-жаз айларында әдемі жапырақты өсімдікке арналған тыңайтқышпен екі аптада бір рет қоректендіріп тұру қажет.
[өңдеу] Аурулары:
Ауруға көп шалдыға бермейді, төзімді өсімдік. Қыста артық су құйғаннан тамыры шіріп кетеді, сондықтан топырағының беткі қабаты құрғағанда ғана су құю қажет.
[өңдеу] Көбейтілуі:
Қалемшесін тамырландыру және түбінен өсіп шыққан жанама өскіндерін бөліп алу арқылы көбейтеді.[2]
