Айланшөп

Айланшөп, немесе самалдық (Polygonum maculosa немесе Polygonum persicaria) — карамықтар тұқымдасына жататын біржылдық шөптесін өсімдік. Қазақстанның көптеген аймақтарында ( Каспий бойы ойпаты, Балқаш-Алакөл ойысы, Түркістан, Жоңғар, Іле Алатауы, Қаратау өңірлері), өзен бойында, арық, тоған жағалауларында өседі. Биіктігі 20-80 см, сабағы тік болады. Қаңдауыр пішіндес жапырағы сабаққа кезек орналасады. Сағағы қысқа келеді. Қызғылт, ақ түсті гүлі шашақтанған гүлшоғына топтасқан. Маусым — қыркүйекте гүлдейді. Айланшөп құрамында пектин заты, эфир майы, балауыз, С витамині, кремний қышқылы т.б. пайдалы заттар болады. Оны сиырдан басқа малдың бәрі жейді. Айланшөп медицинада дәрілік шөп ретінде қолданылады. Айланшөпті ел арасында бұрын геморройға, қуық тұтылғанға қарсы қолданып келген.