Александр Яковлевич Таиров
Александр Яковлевич Таиров (1885—1950) — режиссер. 1935 жылдан Ресей Халық артисі. Мұғалім отбасында туған. 1913 жылы Санкт-Петербург университетінің заң факультетін бітірді. Шығармашылық жолын актер ретінде 1905 жылы Киевтегі М.М.Бородайдың труппасынан бастады. 1913 жылға дейін Санкт-Петербург, Рига, Симбирск, Мәскеу театрларында ойнаумен қатар, режиссурамен шұғылданды. П.П.Гайдебуровтың Көшпелі театрында Шекспирдің "Гамлетін” және А.П.Чеховтың "Ваня ағайын" (1908) қойып, өзінің режиссерлік өнер жолын бастады. Зайыбы А.Г.Кооненмен және жас актерлер тобымен бірлесе отырып, Камералық театрды (1914—1950) ұйымдастырды әрі 1949 жылға дейін оның көркемдік жағын баскарды. Осы театр сахнасында Калидасаның "Сакунталасын”, П.Бомаршенің "Фигароның уйленуі”,” О.Уайльдтің "Саломеясын”, Л.Лекоктың "Жирофле-Жирофлясын", Ж.Расиннің "Федрасын", 0'Нилдің "Сабалақ маймылы" мен "Шегірішін тубіндегі махаббатын”, Б.Брехтің "Қайыршылар операсын", В.Вишневскийдің "Оптимистік трагедиясын”, Г.Флобердің "Мадам Бовариын”, М.Горькийдің "Шалын", т.б. қоюмен Таиров режиссерлік өнердің дамуына мол үлес қосты. Ол койған спектакльдерімен адамның күші мен сезім дүниесін паш етті. Сахналық өнерде жинакты, бейнелі шешімге ден қоя отырып, натурализмге қарсы күрес жүргізді. Таиров — XX ғасырдағы театр өнеріндегі аса көрнекті реформатор - режиссерлердің бірі. Оның өнері мен шығармашылық ұстанымы казіргі орыс және шетел театры қайраткерлерінің өнеріне зор ықпал жасады.[1]
Дереккөздер[өңдеу | қайнарын өңдеу]
- ↑ Өнер: Жалпы білім беретін мектептің жаратылыстану-математика бағытындағы 11-сыныбына арналған оқулык/Қ.Болатбаев, Е.Қосбармақов, А.Еркебай. — Алматы: "Мектеп" баспасы, 2007. ISBN 9965-33-998-8
- Өнер
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |